Իրավիճակը Ուկրաինայում. իշխանությունը զիջումների է գնում (ուղիղ միացում)
Ուկրաինական տան շենքում, որը երեկ լքել էին ուժայինները, կտեղակայվի ընդդիմադիրների մամուլի կենտրոնն ու սննդի կետը, հաղորդում է «Ինտերֆաքս» գործակալությունը:
Միաժամանակ «Ուկրինֆորմ» գործակալությունը հայտնել է, որ Գերագույն ռադա է մտցվել օրինագիծ, որով առաջարկվում է չեղյալ համարել հունվարի 16-ին ընդունված օրենքները: Սա ուկրաինական ընդդիմության հիմնական պահանջներից մեկն էր:
Հայտնի է դարձել նաեւ, որ Իվանովո-Ֆրանկովոյի եւ Տերնոպոլի մարզային խորհուրդները որոշում են ընդունել իրենց տարածքներում կառավարող Ռեգիոնների կուսակցության եւ Կոմկուսի գործունեությունն արգելելու մասին:
