Տեսախցիկների և արագաչափերի գրանցած խախտումները մոտ 600000-ով ավելացել են. վարորդների՝ «նկարվելուց» խուսափելու հնարքը
Երթևեկության կանոնների պահպանման համար հանրապետությունում տեղադրված տեսախցիկների և արագաչափերի արձանագրած խախտումների թիվն այս տարի նախորդ տարիների համեմատ ավելացել է մոտ 600 հազարով: Այս մասին Tert.am-ին ասել է «Աքիլես» ավտովարորդների իրավունքների պաշտպանության կենտոն» ՀԿ նախագահ Էդուարդ Հովհաննիսյանը՝ դա պայմանավորելով խախտումներ արձանագրող սարքերի ավելացումով. «Որովհետև վարորդները քանի գնում, ավելի կարգապահ են դառնում»:
Նշենք, որ ավելի վաղ մամուլում հրապարակում էր եղել, թե խախտումների տուգանքներից ստացվել է բյուջեի 1%-ի չափով գումար, ինչն Էդուարդ Հովհաննիսյանի հաշվարկներով՝ մի փոքր էլ քիչ է: «Մեր տվյալներով՝ մոտ 1 մլն 300 հազ. խախտում է գրանցվել արագաչափերի ու տեսախցիկների միջոցով, թե քանիսի տուգանքն են ուշ ստացել, չեմ կարող ասել, բայց դա մոտավորապես 8000 դրամ միջին տուգանքի չափով կկազմի շուրջ 10 մլրդ-ից մի քիչ ավելի գումար: Մոտ 750 հազար խախտում էլ արձանագրվել է ճանապարհային ոստիկանների կողմից, և եթե հաշվենք 6500 դրամով, 4 մլրդ-ից ավել էլ այդ կերպ են գումար հավաքել»,-ասաց նա:
Վերջինիս խոսքով՝ ճանապարհային ոստիկանությունն իր առջև կանոնավոր երթևեկություն ստեղծելու խնդիր է դրել, բայց դա մեծ «զոհեր» է պահանջում, քանի որ հայ վարորդները խախտումներ անելով են սովորում երթևեկության կանոնները. «Մենք գտնում ենք, որ, այնուամենայնիվ, դա կարելի էր անել ավելի քիչ «զոհերով», քանի որ շատ դժգոհություններ կան»:
Ամբողջությամբ կարող եք կարդալ սկզբնաղբյուր կայքում:
