Ֆրանսուա Օլանդը հայտարարել է Վալերի Տրիերվեյլերի հետ հարաբերությունները խզելու մասին
Ֆրանսիայի նախագահ Ֆրանսուա Օլանդը շաբաթ օրը հայտարարել է իր քաղաքացիական կնոջ` Վալերի Տրիերվեյլերի հետ հարաբերությունները խզելու մասին, հաղորդում է France Presse գործակալությունը: «Տեղեկացնում եմ, որ Վալերի Տրիերվեյլերի հետ մեր համատեղ կյանքին վերջ է դրվել»,-հայտարարել է Օլանդը:
Հիշեցնենք, որ երկու շաբաթ առաջ «Closer» ամսագիրը Ֆրանսիայի նախագահի եւ դերասանուհի Ժյուլի Գայեի սիրավեպի մասին վկայող լուսանկարներ էր հրապարակել: Օլանդը եւ Տրիերվեյլերը պաշտոնապես ամուսնացած չեն, սակայն 2007 թվականից ֆրանսուհին միշտ ուղեկցել է նախագահին՝ որպես առաջին տիկին:
