Յանուկովիչը փոխել է Կիևի ղեկավարին
Lenta.ru-ի փոխանցմամբ՝ Ուկրաինայի նախագահ Վիկտոր Յանուկովիչը պաշտոնանկ է արել Կիևի քաղաքային պետական վարչակազմի ղեկավար Ալեքսանդր Պոպովին և նրա փոխարեն այդ պաշտոնում նշանակել է Ռեգիոնների կուսակցությունը ներկայացնող պատգամավոր Վլադիմիր Մակեենկոյին:
Համապատասխան հրամանները հրապարակվել են երկրի նախագահի կայքում: Պոպովին զբաղեցրած պաշտոնից հեռացրել էին դեռևս նախորդ տարվա դեկտեմբերի կեսին՝ որպես 2013 թվականի նոյեմբերի 30-ին «Եվրամայդանի» ուժային ցրման պատասխանատուներից մեկի:
