Հրդեհ Դավթաշենում. կա տուժած
Հունվարի 24-ին, ժամը 21.41-ին ահազանգ է ստացվել, որ Երևանի Դավթաշեն 1-ի թաղամասի թիվ 49 շենքի նկուղում ծուխ է նկատվում:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 22.09-ին, մարվել՝ 22.22-ին: Այրվել է տնտեսական աղբ (5 քմ):
Հրշեջ-փրկարարները նկուղից դուրս են բերել ծխահարված Հ. Գ.-ին, ով հոսպիտալացվել է «Արմենիա» ԲԿ: Բժիշկները տուժածի առողջական վիճակը գնահատել են բավարար:
Արտակարգ իրավիճակների նախարարություն
