Էդվարդ Նալբանդյանն ու Էլմար Մամեդյարովը հանդիպեցին
Փարիզում այսօր երեկոյան կայացել է Հայաստանի եւ Ադրբեջանի արտգործնախարարներ Էդվարդ Նալբանդյանի եւ Էլմար Մամեդյարովի հանդիպումը։
Ադրբեջանական Trend գործակալության փոխանցմամբ ` տեղի են ունեցել ինչպես արտգործնախարարների, այնպես էլ նրանց առանձին հանդիպումները ԵԱՀԿ Մինսկի խմբի համանախագահների հետ:
ԱՊԱ գործակալության փոխանցմամբ` Ադրբեջանի ԱԳՆ մամուլի ծառայության ղեկավար Էլման Աբդուլաևն ասել է, որ հանդիպումների ընթացքում տեղի են ունեցել ղարաբաղյան հակամարտության վերաբերյալ «բավանդակալից, կոնկերտ եւ ինտենսիվ քննարկումներ»:
Հիշեցնենք, որ Հայաստանի եւ Ադրբեջանի արտգործնախարարները հանդիպել էին նաեւ դեկտեմբերի սկզբին` երկու երկների նախագահների Վիեննայում կայացած հանդիպման ընթացքում տրված ցուցումների համաձայն:
Նշենք, որ երկու երկրների արտաքին գերատեսչությունների ղեկավարների հանդիպումը տեղի է ունենում շփման գծում եւ հայ-ադրբեջանական սահմանին հրադադարի խախտումների ակտիվացման պայմաններում:
