Ուկրաինայում իրականացվում է պետական հեղաշրջման փորձ. Ազարով
Ուկրաինական UNIAN լրատվական գործակալության փոխանցմամբ՝ Ուկրաինայի վարչապետ Նիկոլայ Ազարովը Դավոսում (Շվեյցարիա) լրագրողների հետ զրույցում հայտարարել է, որ Ուկրաինայում իրականացվում է պետական հեղաշրջման փորձ.
«Բոլոր նրանք, ովքեր աջակցում են այդ հեղաշրջմանը, պետք է հստակ ասեն, որ իրենք կողմ են Ուկրաինայի օրինական իշխանության տապալմանը և ոչ թե թաքնվեն խաղաղ ցուցարարների թիկունքում»:
Ազարովն ընդգծել է, որ չի կարելի այդ բողոքներն անվանել խաղաղ այն բանից հետո, ինչ այսպես կոչված խաղաղ ցուցարարներն օգտագործում են մոլոտովյան կոկտեյլներ, (տարբեր քաղաքներում) գրավում են պետական մի շարք հիմնարկներ և կատարում են հակաիրավական այլ գործողություններ:
Հունվարի 19-ից Կիևում գրանցված բախումների հետևանքով զոհվել է 3 մարդ, վիրավորվել են հարյուրավորները:
