Հիվանդանոցում մահացած զինծառայողի գործով ձերբակալվածներ չկան
ՀՀ ՊՆ N զորամասի զինծառայող Էդիկ Շահնազարյանի մահվան փաստի առթիվ հարուցված քրեական գործի շրջանակներում ձերբակալված անձիք չկան: Այս մասին 168.am-ի հետ զրույցում ասաց ՀՀ ՊՆ քննչական ծառայության ավագ սպա Մերի Սարգսյանը:
Հիշեցնենք, որ Էդիկ Շահնազարյանը մահացել էր հունվարի 20-ին ժամը 08:00-ի սահմաններում Վաղարշապատի հիվանդանոցում: Ավելի վաղ Մերի Սարգսյանը 168.am-ի հետ զրույցում տեղեկացրել է, որ զինծառայողի մահվան փաստի առթիվ քրեական գործ էր հարուցվել ՀՀ քրեական օրենսգրքի 376 հոդվածի 2-րդ մասով (պաշտոնատար անձի անփույթ վերաբերմունքը ծառայության նկատմամբ, որն անզգուշությամբ առաջացրել է ծանր հետևանքներ):
