«Չիրագովն ու մյուսներն ընդդեմ Հայաստանի» հայցի քննությունը կավարտվի հայանպաստ որոշմամբ (տեսանյութ)
Այսօր կառավարության նիստից հետո ՀՀ արդարադատության նախարար Հրայր Թովմասյանը լրագրողների հետ ճեպազրույցում հույս հայտնեց, որ Մարդու իրավունքների եվրոպական դատարանի (ՄԻԵԴ) Վերին պալատում սկսված Հայաստանի դեմ ադրբեջանցի հարկադիր վերաբնակների ներկայացրած «Չիրագովն ու մյուսներն ընդդեմ Հայաստանի» հայցի քննությունը կավարտվի հայանպաստ որոշմամբ:
«Մի քանի օրից կքննարկվի նաև «Սարգսյաններն ընդդեմ Ադրբեջանի», որը նույնաբովանդակ գործ է, և եթե նույնիսկ այս երկրորդում հաջողության չհասնենք, մեծ խնդիրներ չենք տեսնում»,- ասաց նախարարը:
Խոսելով «Տարկետման մասին» օրենքի մասին՝ Հ.Թովմասյանը նշեց, որ դրանով եթե քաղաքացին ընդուվի միջպետական բուհ, կառավարությունը կորոշի և զորակոչի տարկետում կտա:
