Կալանավորին չէին թույլատրում տեսակցել հարազատներին
Մեկուսարանում գտնվող կալանավորին քննիչը շուրջ չորս ամիս չի թույլատրել տեսակցել, անգամ զանգահարել ընտանիքի անդամներին: Հատուկ քննչական ծառայության պետի անմիջական հրահանգով միայն մեկ անգամ է կալանավորը կարողացել հանդիպել հարազատներին, որից հետո դարձյալ մեկ ու կես ամիս տեսակցություն չի թույլատրվել: Այս մասին տեղեկանում են Հայաստանի մարդու իրավունքների պաշտպանի գրասենյակից:
Օմբուդսմենի միջամտության արդյունքում վերացվել է արգելքը և այսուհետ թույլատրվում է կալանավորի տեսակցությունները և հեռախոսազանգերը մերձավոր ազգականների, զանգվածային լրատվության միջոցների ներկայացուցիչների և այլ անձանց հետ, ինչպես նաև մշտական կապն ընտանիքի և արտաքին աշխարհի հետ:
