Մոսկվայում կանխվել է «օրենքով գողերի» խոշոր «սխոդկա». կա մոտ 50 ձերբակալված
Ռուսական РИА Новости լրատվական գործակալության փոխանցմամբ՝ ոստիկանությունը Մոսկվայում կանխել է «օրենքով գողերի» խոշոր «սխոդկան»՝ ձերբակալելով բազմաթիվ «հեղինակությունների», այդ թվում նաև Կոնստանտին Վասիլևին (Կոստյա Սպի):
Այս մասին այսօր հայտնել է ՌԴ ՆԳՆ-ը: Իրավապահները նախապես իրազեկվել են, որ մայրաքաղաքի հյուսիս-արևմտյան հատվածում գտնվող ռեստորաններից մեկում պատրաստվում է «գողական աշխարհի» ներկայացուցիչների հանդիպում, որի ժամանակ պլանավորված է քննարկել ազդեցության գոտիների բաժանման հարցը:
Ընդհանուր առմամբ, ձերբակալվել է մոտ 50 մարդ: Ոստիկանները նրանցից մատնահետքեր են վերցրել և այժմ ստուգում են հանցագործություններին նրանց հնարավոր մասնակցությունը:
