Կաթնամթերքը կթանկանա՞
«Կաթնամթերքի թանկացման վրա կարող են ազդել մի շարք գործոններ՝ անցած տարի մարտից մինչև դեկտեմբեր կարագի համաշխարհային գներրը ավելացան 30%-ով, կաթի փոշունը՝ մինչև 50%-ով: Այս գործոնները կարող են առաջիկայում որոշակի ազդեցություն ունենալ կաթնամթերքի գների վրա, որովհետև մենք համաշխարհային տնտեսության մի մասն ենք կազմում, և զարգացումները չեն կարող շրջանցել մեր երկիրը»,- այսօր լրագրողների հետ հանդիպմանը հայտարարեց Գյուղատնտեսության նախարարության անասնաբուծության և անասնաբուժության վարչության պետ Աշոտ Հովհաննիսյանը:
Ըստ նրա՝ թանկացումից խուսափելու համար կաթի արտադրության ծավալները պետք է ավելացնել, ինչի ուղղությամբ, պաշտոնյայի հավաստմամբ, աշխատում են:
