Իսրայելական ավիացիան երկու հարված է հասցրել Գազայի հատվածին
France-Presse լրատվական գործակալության փոխանցմամբ՝ Իսրայելի ռազմաօդային ուժերի ինքնաթիռները երեկ երկու հարձակում են գործել Գազայի հատվածի տարածքի վրա՝ ի պատասխան պաղեստինյան կողմից իրականացված հրթիռակոծության: Այս մասին հայտարարել են ՑԱԽԱԼ-ի պաշտոնական ներկայացուցիչները:
Նրանց խոսքերով՝ իսրայելական կողմը հարվածներ է հասցրել Գազայի հատվածի հյուսիսային ու կենտրոնական հատվածներում եղած օբյեկտներին, որոնք կապված են ահաբեկչական ակտիվության հետ: Պաղեստինյան կողմից զոհերի ու տուժածների մասին ոչինչ չի հաղորդվել:
Գազայի հատվածի վրա իսրայելական ավիացիայի նախորդ հարձակումն իրականացվել է հունվարի 15-ին: Այն ժամանակ հարձակման հետևանքով տուժել էր պաղեստինցի մեկ կին և չորս երեխա:
