Իրանը պետք է մասնակցի «Ժնև 2» միջազգային կոնֆերանսին. Լախդար Բրահիմի
Ռուսական ИТАР-ТАСС լրատվական գործակալության փոխանցմամբ՝ Իրանը պետք է մասնակցի Սիրիայի վերաբերյալ «Ժնև 2» միջազգային կոնֆերանսին: Այսմասին Ռուսաստանի արտգործնախարար Սերգեյ Լավրովի ու ԱՄՆ պետքարտուղար Ջոն Քերիի հետ հանդիպումից հետո հայտարարել է Սիրիայի հարցով ՄԱԿ-ի ու ԱՊԼ-ի հատուկ ներկայացուցիչ Լախդար Բրահիմին.
«Իրանը շատ կարևոր երկիր է տարածաշրջանում: Իրանը պետք է մասնակցի Սիրիայի վերաբերյալ միջազգային կոնֆերանսին: ՄԱԿ-ի գլխավոր քարտուղարը «Ժնև 2» կոնֆերանսին մասնակցելու հրավեր է ուղարկել Իրանին, սակայն դա պետք է հաստատեն նաև կոնֆերանսի նախաձեռնող երկրները»:
Հիշեցնենք, որ Իրանի արտգործնախարար Մոհամմադ Ջավադ Զարիֆը հայտարարել է, որ Իրանը առանց նախապայմանների հրավեր ստանալու դեպքում կմասնակցի «Ժնև 2» կոնֆերանսին, որի անցկացումը պլանավորված է հունվարի 22-ին:
