Սիրիայում իշխանություններին է հանձնվել 350 զինյալ

Ռուսական ИТАР-ТАСС լրատվական գործակալության փոխանցմամբ՝ երեկ Դամասկոսի կենտրոնում Սիրիայի կառավարության օգտին հանրահավաք են կազմակերպել Մադայա քաղաքի բնակիչները:

Մայրաքաղաքից 50 կիլոմետր հեռավորության վրա ընկած այդ լեռնային հանգստավայրում զենքը վայր է դրել և նախագահական համաներման պայմաններն ընդունել է ավելի քան 350 զինյալ:

Նրանք բոլորն էլ ժամանել են Դամասկոս՝  իշխանություններին հանձնվելու և ՆԳՆ-ում ստուգումների ենթարկվելու համար: Մադայայում հաստատված հրադադարը դարձել է իշխանությունների ու ապստամբների միջև թվով չորրորդ հրադադարը՝ սկսած նախորդ տարվա դեկտեմբերից: