Հունաստանը Եվրոպական հարևանության քաղաքականության ուղղվածությունն արևելքից թեքում է հարավ
Հունական ANA-MPA լրատվական գործակալությանը տված հարցազրույցի ժամանակ Հունաստանի արտգործնախարար և փոխվարչապետ Էվանգելոս Վենիզելոսը հայտարարել է, որ ԵՄ-ի նախագահությունն ստանձնած Հունաստանը փոխում է Եվրոպական հարևանության քաղաքականության ուղղվածությունը՝ արևելքից ուղղելով դեպի հարավ.
«Մեզ համար, ինչպես նաև (հարավային) այլ երկրների համար ԵՄ-ի հարավային հարևանությունն ունի վիթխարի նշանակություն: Լիտվայի նախագահությունն ավարտվել է, նա կենտրոնացել էր Արևելյան հարևանության վրա՝ Ուկրաինա, Հայաստան և այլն: Մինչդեռ մենք շեշտադրում ենք կատարում հարավային հարևանության վրա, և մենք զարգացնելու ենք այդ երկրների հետ հարաբերությունները»:
Նշվում է, որ ԵՄ-ի հարևանության քաղաքականությունն ունի երկու ուղղություն՝ արևելյան ու հարավային: Դրանցից առաջինն իրենում ներառում է Հայաստանը, Բելառուսը, Ուկրաինան, Մոլդովան, Վրաստանն ու Ուկրաինան, իսկ երկրորդը՝ Ալժիրը, Մարոկկոն, Իսրայելը, Հորդանանը, Եգիպտոսը, Լիբանանը, Լիբիան, Պաղեստինը, Սիրիան, Թունիսը:
Հունաստանը ԵՄ-ում նախագահում է այս տարվա հունվարի 1-ից: 2014 թվականի երկրորդ կեսին նրան կփոխարինի Իտալիան:
