Ֆրանսիական պարբերականն այսօր կհրապարակի Օլանդի մասին սկանդալային լուսանկարներ
Ֆրանսիական Closer պարբերականը մտադիր է հրապարակել սկանդալային լուսանկարներ, որոնք կհաստատեն երկրի նախագահ Ֆրանսուա Օլանդի ու դերասանուհի Ժյուլի Գսյեի սիրային կապի մասին շրջանառվող լուրերը: Ֆրանսիայի նախագահն իր հերթին մտածում է պարբերականին դատի տալու հնարավորության շուրջ:
Պարբերականն ընդգծել է, որ նախագահի ու դերասանուհի մոտ հարաբերությունները հաստատող լուսանկարները հրապարակելու է այսօր: Պարբերականի տվյալներով՝ Օլանդն ամանորյա տոներից առաջ հանդիպել է դերասանուհու հետ և ողջ գիշեր մնացել է նրա հետ:
Պարբերականի լրագրողները պնդում են, որ իրենց հաջողվել է լուսանկարել նախագահին, ով դերասանուհու մոտ եկել սկուտերով, ընդ որում, նրան ուղեկցել է միայն մեկ թիկնապահ, ինչը հարկադրում է մտածել նախագահի անվտանգության ապահովման մասին:
