2013 թվականին Չինաստանում կարգապահական խախտումների համար պատժել են 182.000 պաշտոնյայի
Ռուսական ИТАР-ТАСС լրատվական գործակալության փոխանցմամբ՝ Չինաստանի Կոմկուսը 2013 թվականին կարգապահական խախտումների համար պատժել է 182.000 չինացի պաշտոնյայի: Դա 13.3 տոկոսով գերազանցել է 2012 թվականի ցուցանիշը:
Դեպքերի մեծ մասի (մոտ 150.000) ժամանակ Չինաստանի Կոմկուսը սահմանափակվել է կարգապահական տույժերով: Եվս 48.900 պաշտոնյա ենթարկվել է վարչական պատասխանատվության:
Վերջին շրջանում Չինաստանում անցկացվում է հակակոռուպցիոն կամպանիա, որը ծավալվել է Սի Ծինփինի նախագահ դառնալուց անմիջապես անց (հինգերորդ սերնդի իշխանություն):
