Էրդողանի կուսակցության միանգամից 35 պատգամավոր ներկա չի գտնվել խորհրդարանի նիստին
Թուրքական OdaTV հեռուստաալիքի փոխանցմամբ՝ Թուրքիայի վերջին իրադարձությունները պառակտել են իշխող «Արդարություն ու զարգացում» կուսակցությանը (ԱԶԿ): Վարչապետ Էրդողանի գլխավորած կուսակցության միանգամից 35 պատգամավոր ներկա չի գտնվել խորհրդարանի լիագումար նիստին՝ որպես բողոքի նշան:
Նրանք համաձայն չեն Թուրքիայի ոստիկանական համակարգում Էրդողանի իրականացրած վերադասավորումների ու պաշտոնանկությունների հետ: Պատգամավորների չներկայանալու պատճառով տապալվել է խորհրդարանի նիստը, և խորհրդարանի փոխնախագահ Մերալ Աքշեները չեղյալ է հայտարարել այն:
Թուրք քաղաքական գործիչները կարծում են, որ ԱԶԿ-ը պատճառ է դարձել խորհրդարանական ճգնաժամի առաջացման: Բոլուում դատարանի որոշմամբ վերացվել է Էրդողանի հինգ մետրանոց նկարը:
