Վրաստանի նախագահը հունվարի 20-ին կմեկնի Թուրքիա
Ադրբեջանական Trend լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին պաշտոնական այցով Թուրքիա կայցելի հունվարի 20-ին: Այս մասին հայտնել է նրա աշխատակազմը:
Պլանավորված է, որ Մարգվելաշվիլին Անկարայում պաշտոնական հանդիպումներ կունենա Թուրքիայի նախագահ Աբդուլլահ Գյուլի, վարչապետ Ռեջեփ Էրդողանի և խորհրդարանի նախագահ Ջեմիլ Չիչեքի հետ: Անկարայում տեղի է ունենալու երկու նախագահների համատեղ մամուլի ասուլիսը:
Մարգվելաշվիլին կայցելի նաև Անկարայում գտնվող Աթաթուրքի դամբարան՝ Անըթքաբիր:
Հիշեցնենք, որ Մարգվելաշվիլին նախորդ տարեվերջին պետք է ժամաներ Ադրբեջան, սակայն այդ այցը հետաձգվել է:
