Ռեկորդային ցրտերի պատճառով սառել է Նիագարայի ջրվեժը (լուսանկարներ)
Daily Mail-ի փոխանցմամբ՝ ԱՄՆ-ում ու Կանադայում տիրող ռեկորդային ցուրտ եղանակը հանգեցրել է Նիագարայի ջրվեժի սառչելուն: Սառցե ծածկը գործնականում հանգեցրել է ջրի շարժի կանգին:
Մեկնաբաններն ընդգծում են, որ մինչ այս պատմության մեջ փաստագրական առումով գրանցվել է երեք դեպք, երբ 52 մետր բարձրությամբ ջրվեժը սառել է: Առաջին անգամ նման բան գրանցվել է 1848 թվականի մարտին, երկրորդ դեպքը գրանցվել է 1911-1912 թվականների ձմռանը, իսկ երրորդը՝ 1936 թվականին:
Սրանից առաջ հաղորդվել է, որ եղանակային անբարենպաստ պայմանները ԱՄՆ-ի տնտեսությանը կհասցնեն 5 միլիարդ դոլարի վնաս: Ցուրտ եղանակն ԱՄՆ-ում առնչվել է 240 միլիոն մարդու:
