Սևանը բնապահպանության նախարարության գերակա խնդիրն է (տեսանյութ)
Այս տարի բնապահպանության նախարարության համար գերակա են համարվել հատկապես Սևանա լճի խնդիրները՝ մանրաձկի համալրում, ենթակառուցվածքներ, մաքրվող տարածքներ և այլն, ինչպես նաև կենսոլորտային տարածքի խնդիրները: Այս մասին այսօր կառավարության նիստից հետո լրագրողների հետ ճեպազրույցում հայտարարեց բնապահպանության նախարար Արամ Հարությունյանը:
Ըստ նրա՝ միջոցառումների ծրագրով բազմաթիվ ենթաօրենսդրական ակտեր, օրենսդրական փոփոխություններ են նախատեսված, որոնք հնարավորություն կտան ավելացնել պահանվող տարածքները, դյուրինացնել կառավարումը և լուծել ընթացիկ խնդիրները. «Ունենք պետական բյուջեով նախատեսված 20-21 ծրագիր, ունենք նաև այլ ծրագրեր, որոնք նույնպես ներգրավվելու են և հատկացված գումարների շրջանակներում իրականացնելու ենք»:
