Բաղդադում ահաբեկչության հետևանքով զոհվել է իրաքյան բանակի առնվազն 13 նորակոչիկ
Բրիտանական Reuters լրատվական գործակալության փոխանցմամբ՝ այսօր Բաղդադում իրականացված ահաբեկչության հետևանքով զոհվել է իրաքյան բանակի առնվազն 13 նորակոչիկ: Վիրավորվել է ևս 30 մարդ: Այս մասին հայտնել է տեղի ոստիկանությունը:
Մահապարտ-ահաբեկիչը, գտնվելով նորակոչիկների շրջանում, պայթեցրել է իրեն: Պայթյունը տեղի է ունեցել Բաղդադի կենտրոնում գտնվող զորակայանում: Ահաբեկչության պատասխանատվությունը դեռ չի ստանձնել Իրաքի տարածքում գործող խմբավորումներից և ոչ մեկը:
