ԱՄՆ փոխպետքարտուղար Շերմանը վաղը կժամանի Մոսկվա՝ կապված Սիրիայի հետ
Ռուսական ИТАР-ТАСС լրատվական գործակալության փոխանցմամբ՝ ԱՄՆ պետքարտուղարի՝ քաղաքական հարցերով տեղակալ Ուենդի Շերմանը հունվարի 10-ին Մոսկվայում խորհրդակցություններ է անցկացնելու Սիրիայի վերաբերյալ: Այս մասին հայտարարել է ԱՄՆ պետդեպարտամենտը.
«Պետքարտուղարի տեղակալ Շերմանը հունվարի 10-ին «Ժնև 2» կոնֆերանսի շեմին ժամանելու է Մոսկվա՝ Սիրիայի հարցով խորհրդակցություններ անցկացնելու համար»: Մինչ Մոսկվա ժամանելը Շերմանը մեկնելու է Ժնև, ուր և հանդիպելու է ԵՄ-ի դիվանագիտության ղեկավար Քերթին Էշթոնի տեղակալ Հելգա Շմիդտի ու Իրանի փոխարտգործնախարար Աբբաս Արաղչիի հետ:
Շերմանը Մոսկվայից մեկնելու է Փարիզ, ուր տեղի է ունենալու «Սիրիայի բարեկամների խմբի» արտգործնախարարների հանդիպումը: Շերմանն այստեղ կուղեկցի ԱՄՆ պետքարտուղար Ջոն Քերիին:
