Սպիտակ տունը Միջազգային տիեզերական կայանում ԱՄՆ-ի մասնակցությունը երկարաձգել է մինչև 2024 թվականը
Ռուսական РИА Новости լրատվական գործակալության փոխանցմամբ՝ Սպիտակ տունը հավանության է արժանացրել Միջազգային տիեզերական կայանում ԱՄՆ-ի մասնակցությունը մինչև 2024 թվականը երկարաձգելը: Այս մասին նշված է ամերիկյան NASA տիեզերական գործակալության կայքում.
«Մենք ուրախ ենք հայտարարել, որ (ԱՄՆ նախագահ Բարաք) Օբամայի վարչակազմը հավանության է արժանացրել Միջազգային տիեզերական կայանում տարվող աշխատանքներին մասնակցելն առնվազն մինչև 2024 թվականը երկարաձգելը»:
NASA-ի ներկայացուցիչները հույս են հայտնել, որ Միջազգային տիեզերական կայանի գծով ԱՄՆ-ի գործընկերները նույնպես կերկարաձգեն իրենց մասնակցությունը նախագծում, ինչը հնարավորություն կտա շարունակել այդ բացառիկ լաբորատորիայում տարվող հեղափոխական հետազոտությունները:
