Էրդողանի կուսակցությունը Գյուլենին կոչ է արել վերադառնալ Թուրքիա
CNN Turk-ի փոխանցմամբ` Թուրքիայում իշխող «Արդարություն ու զարգացում» կուսակցության (ԱԶԿ) փոխնախագահ Մեհմեթ Ալի Շահինը իսլամական ազդեցիկ հասարակական գործիչ Ֆեթհուլլահ Գյուլենին, ով ներկայումս բնակվում է ԱՄՆ-ում, կոչ է արել վերադառնալ հայրենիք:
Շահինի խոսքերով` Թուրքիայում ընթացող իրադարձություններում (կոռուպցիոն սկանդալ) հստակություն մտցնելու համար Գյուլենը պետք է վերադառնա երկիր: Ավելի վաղ թուրքական մամուլը գրել էր, որ Թուրքիայում տեղի ունեցած վերջին իրադարձությունների հետևում կանգնած է հենց Ֆեթհուլլահ Գյուլենը:
Դրա համար պատճառ է դարձել այն, որ Թուրքիայի իշխող կուսակցությունը հայտարարեց երկրում Գյուլենի կողմնակիցների վերահսկողության տակ գտնվող ուսումնական հաստատությունների փակման մասին: Գյուլենը, սակայն, հերքել է իր մասնակցությունը Թուրքիայում տեղի ունեցած իրադարձություններում:
