Նոր սերնդի ցենտրիֆուգները շահագործման չեն հանձնվել. Սալեհի
РБК-ի փոխանցմամբ` Իրանի ատոմային էներգիայի կազմակերպության նախագահ Ալի Աքբար Սալեհին հայտարարել է, որ երկրում շահագործման չեն հանձնվել նոր սերնդի ցենտրիֆուգները` նախատեսված ուրանի հարստացման համար:
Սալեհիի խոսքերով` «Վեցյակի» հետ նոյեմբերյան համաձայնագրի պատճառով ավելի քան հազար նոր ցենտրիֆուգներ, որոնք տեղակայվել են ամիսներ առաջ, այդպես էլ չեն միացվել: Սալեհին հավելել է, որ Իրանն այլևս չի տեղակայի ցենտրիֆուգներ:
Դրա հետ մեկտեղ նա հաստատել է, որ իր ինժեներները ստեղծում ու փորձարկում են նոր սերնդի նորանոր ցենտրիֆուգներ: ԱէՄԳ-ի զեկույցի համաձայն, Իրանն ունի 15.240 ցենտրիֆուգ: Այս տարվա մայիս-օգոստոս ամիսներին տեղակայվել է 1800 ցենտրիֆուգ:
