Հաջորդ տարի ՆԱՏՕ-ն Վրաստանին կառաջարկի նոր որակյալ փաստաթուղթ. Ալասանիա
Грузия Online-ի փոխանցմամբ` Վրաստանի պաշտպանության նախարար Իրակլի Ալասանիան հայտարարել է, որ 2014 թվականին կայանալիք ՆԱՏՕ-ի գագաթաժողովում Վրաստանին կառաջարկվի որակի առումով նոր փաստաթուղթ, ինչի համար հիմք է ծառայում ԵՄ-ի հե Ասոցացման համաձայնագրի նախաստորագրումը: Ալասանիան ընդգծել է, որ դեռ վաղ է խոսել, թե դա կոնկրետ ինչ գործիք կլինի:
Ալասանիան հավելել է, որ ունի հիմնավոր հույսեր, որ 2014 թվականին իրենց սպասում է հաջող գագաթաժողով Մեծ Բրիտանիայում: Ալասանիան չի բացառել, որ Վրաստանը կարող է մասնակցել Մալիում տարվող ԵՄ-ի օպերացիաներին: Ալասանիան դրա հետ մեկտեղ նկատել է, որ միջազգային բոլոր գործողություններին Վրաստանի մասնակցելը տեղի չի ունենա Վրաստանի պաշտպանունակության նվազեցման հաշվին:
