Եգիպտոսի ՆԳՆ-ը սկսել է ձերբակալել «Մուսուլման եղբայրներ» շարժման անդամներին
Ռուսական РИА Новости լրատվական գործակալության փոխանցմամբ՝ Եգիպտոսի դատախազությունը երկրի ՆԳՆ-ին հանձնարարել է ձերբակալել «Մուսուլման եղբայրներ» շարժման 7 անդամի: Նրանց մեղադրում են ահաբեկչական կազմակերպությանը պատկանելու մեջ:
Ձերբակալված իսլամականները դարձան նախօրեին երկրի կառավարության հրամանի առաջին զոհերը, որով «Մուսուլման եղբայրներ» շարժումը ճանաչվեց որպես ահաբեկչական կազմակերպություն: Ընդ որում, դա վերաբերում է թե՛ երկրի ներսում, թե՛ երկրի սահմաններից դուրս այդ շարժման գործունեությանը:
