Մոսկվայում ստորագրվել է Մաքսային միությանը Հայաստանի միանալու «ճանապարհային քարտեզը»
Ռուսական РИА Новости լրատվական գործակալության փոխանցմամբ՝ Մոսկվայում տեղի ունեցած Եվրասիական տնտեսական բարձրագույն խորհրդի նիստի արդյունքերով ստորագրվել է Մաքսային միությանը և Միասնական տնտեսական տիրույթին Հայաստանի միանալու «ճանապարհային քարտեզը»:
Հայաստանը Մաքսային միության մեջ մտնելու որոշում է կայացրել 2013 թվականի սեպտեմբերին՝ Մոսկվայում Հայաստանի ու Ռուսաստանի նախագահ Սերժ Սարգսյանի ու Վլադիմիր Պուտինի հանդիպման արդյունքներով: Հայաստանը որոշել է անդամակցել Մաքսային միությանը, իսկ հետագայում՝ մասնակցել նաև Եվրասիական տնտեսական միության ձևավորմանը:
Հիշեցնենք, որ Ղազախստանի նախագահ Նուրսուլթան Նազարբաևը Մոսկվայում բարձրացրել է Մաքսային միությանը Հայաստանի անդամակցության դեպքում Լեռնային Ղարաբաղի հարցը:
