Թուրքիան ու Ադրբեջանը բարձր մակարդակի ռազմական երկխոսության արդյունքներով արձանագրություն են ստորագրել
Ադրբեջանական APA լրատվական գործակալության փոխանցմամբ՝ Բաքվում ավարտվել է թուրք-ադրբեջանական բարձր մակարդակի ռազմական երկխոսությունը, որը մեկնարկել էր դեկտեմբերի 18-ին:
Նիստի ժամանակ քննարկվել են ռազմական, ռազմա-տեխնիկական ոլորտներում, կադրերի նախապատրաստման, ռազմական արդյունաբերության և այլ ոլորտներում համագործակցությանն առնչվող հարցեր:
Բացի այդ, նիստի շրջանակներում քննարկվել են ռազմա-քաղաքական հարցեր: Նիստի արդյունքներով՝ կողմերն արձանագրություն են ստորագրել: Թուրքիայի ու Ադրբեջանի միջև բարձր մակարդակի ռազմական երկխոսություն անցկացվում է տարեկան մեկ անգամ՝ սկսած 2007 թվականից:
