«Շահ Դենիզ 2»-ը 21-րդ դարի նախագիծ է. Իլհամ Ալիև
![](https://168.am/wp-content/uploads/2013/12/278a81c3a4bddc903aff6908c23dc973.jpg)
Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևը հայտարարել է, որ «Շահ Դենիզ 2» նախագիծն առանցքային դեր կխաղա երկրի զարգացման ու ժողովրդի բարեկեցության մեջ.
«Շահ Դենիզ 2-ը 21-րդ դարի նախագիծ է, այն Ադրբեջանի պատմական մեծ հաջողությունն է: Միանշանակ է, որ Ադրբեջանի էներգետիկ քաղաքականությունը կանխամտածված քաղաքականություն է»:
Ալիևը հիշեցրել է երկու օր առաջ Բաքվում «Շահ Դենիզ 2» նախագծի շուրջ համաձայնագրի ստորագրումը, որին մասնակցել են եվրոպական մի շարք երկրների ղեկավարներ ու ներկայացուցիչներ:
«Շահ Դենիզ 2» նախագծի իրագործումը գնահատվում է 25 միլիարդ դոլար, դրա շրջանակներում տարեկան կարտահանվի 16 միլիարդ խորանարդ մետր գազ, որից 6 միլիարդը նախատեսված է Թուրքիայի, իսկ 10 միլիարդ խորանարդ մետրը՝ Եվրոպայի համար: Այդ գազային հանքավայրի պաշարները գնահատվում են 1.2 տրիլիոն խորանարդ մետր: