Իլհամ Ալիևը ԼՂ-ի հարցը քննարկել է Ուիլյամ Հեյգի հետ
Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է երկրում գտնվող Մեծ Բրիտանիայի արտգործնախարար Ուիլյամ Հեյգին: Հանդիպման ժամանակ կողմերը գոհունակություն են հայտնել երկու երկրների միջև երկկողմ կապերի հաջող զարգացման կապակցությամբ:
Կողմերն ընդգծել են նավթագազային ոլորտում համագործակցության և Շահ Դենիզ 2 գազային նախագծի իրագործման կարևորությունը: Ալիևն ու Հեյգը քննարկել են նաև Ղարաբաղյան հակամարտության կարգավորման հարցը, ինչպես նաև տարածաշրջանային ու միջազգային այլ հարցեր:
