Միգրանտներն աշխատավայրում պետք է ռուսերեն խոսեն. Պետդումայի պատգամավորներ
ՌԴ Պետդումա է ներկայացվել օրենքի նախագիծ, որն արգելում է Ռուսաստանում աշխատող օտարերկրացիներին եւ քաղաքացիություն չունեցող անձանց աշխատանքի ժամին եւ աշխատավայրում խոսել ուրիշ լեզվով: «ՌԴ պետական լեզվի մասին» օրենքում առաջարկվող փոփոխությունների հեղինակները լիբերալների խմբակցության պատգամավորներն են:
Խորհրդարանականները համոզմունք են հայտնել, թե Ռուսաստանում պայմանագրով աշխատող օտարերկրացիները հաճախ ռուսերենին չեն տիրապետում եւ աշխատավայրում խոսում են իրենց «մայրենի լեզվով», ինչն առաջացնում է «տեղի բնակչության դժգոհությունը»: Հեղինակները վկայակոչել են եվրոպական երկրների եւ ԱՄՆ-ի փորձը, որտեղ, ըստ նրանց, համապատասխան իրավական ակտեր վաղուց են ընդունվել:
