Տաքսին ամբողջությամբ այրվել է
Դեկտեմբերի 7-ին, ժամը 00.45-ին, ոստիկանության Նոր Նորքի բաժնում հաղորդում է ստացվել, որ Նորքի զանգված տանող ճանապարհին` ռեստորանի մոտ, տաքսի ավտոմեքենա է այրվում: Այս մասին տեղեկացնում են ՀՀ ոստիկանությունից:
Ոստիկանները պարզել են, որ «Սամանդ» մակնիշի տաքսի ավտոմեքենայի վարորդ Սեյրան Թ.-ն ժամը 00.15-ի սահմաններում Մյասնիկյան պողոտայով ընթանալու ժամանակ նկատելով, որ մեքենայի առջևի մասում հրդեհ է առաջացել` արագ դուրս է եկել մեքենայից, որը հրդեհի հետևանքով ամբողջությամբ այրվել է:
Հրդեհը մարվել է նույն օրը, ժամը 01.20-ին, 1 մարտական հաշվարկի կողմից:
Հրդեհի առաջացման պատճառը և պատճառված նյութական վնասի չափը պարզվում են:
Կատարվում է հետաքննություն:
