Էլմար Մամեդյարովն Ուկրաինայում հանդիպել է Ֆիլիպ Լեֆորի հետ
Ադրբեջանական APA լրատվական գործակալության փոխանցմամբ՝ ԵԱՀԿ արտգործնախարարների խորհրդի 20-րդ նիստին մասնակցելու նպատակով Ուկրաինայում գտնվող Ադրբեջանի արտգործանախարար Էլմար Մամեդյարովը հանդիպել է Հարավային Կովկասում ԵՄ-ի հատուկ ներկայացուցիչ Ֆիլիպ Լեֆորի հետ:
Այս մասին հայտնել է Ադրբեջանի ԱԳՆ-ի մամլո ծառայությունը: Հանդիպման ժամանակ Մամեդյարովը Լեֆորին իրազեկել է Ղարաբաղյան բանակցային գործընթացի և Հայաստանի ու Ադրբեջանի նախագահների վերջին հանդիպման մասին:
Ֆիլիպ Լեֆորն ընդգծել է, որ ԵՄ-ը պատրաստ է հակամարտության կարգավորման հարցում աջակցել կողմերին: Լեֆորը կարևորել է նրան միջև վստահության վերականգնման հարցը:
