Կիեւում ցույցերը ցրելու ժամանակ 79 մարդ է տուժել
Կիեւի «եվրամայդանում» ցուցարարների ցրման գործողությունների ժամանակ 79 մարդ է տուժել, այդ թվում` չորս լրագրող, հինգշաբթի հայտարարել է Ուկրաինայի գլխավար դատախազի տեղակալ Անատոլի Պրիշկոն:
«Մինչդատական հետաքննությամբ հաստատվել է, որ այդ իրադարձությունների ժամանակ մարմնական վնասվածքներ է ստացել 79 մարդ: Նրանց թվում են չորս լրագրող, վեց ուսանող եւ երկու օտարերկրացի»,-ասել է նա:
Պրիշկոն նշել է, որ տասը մարդ հոսպիտալացվել է եւ մինչ օրս գտնվում է հիվանդանոցներում: Մարմնական վնասվածքներ է ստացել նաեւ յոթ ոստիկան:
