Վրաստանում շահագործվել է Ռուսաստան տանող վերակառուցված ճանապարհը
Վրաստանում վերանորոգումից հետո շահագործվել է Ռուսաստանի հետ կապող Մցխեթի-Ստեպանցմինդա- Լարս ճանապարհի ամենադժվարանցանելի` Կոբի-Գուդաուրի 20-կիլոմետրանոց հատվածը:
«Այս ճանապարհը ռազմավարական նշանակություն ունի, որը շատ վատ վիճակում էր եւ չէր վերանորոգվել վերջին 10-15 տարվա ընթացքում»,-շաբաթ հայտարարել է Վրաստանի փոխվարչապետ Կախա Կալաձեն` ճանապարհի շահագործման հանդիսավոր արարողության ժամանակ:
Նա նշել է, որ կառուցվել է ժամանակակից պահանջներին համապատասխանող ճանապարհ:
