ՄԱԿ ԱԽ-ը կտրականապես դատապարտել է Սիրիայում ռուսական դեսպանատան հրետակոծությունը
Ռուսական РИА Новости լրատվական կայքի փոխանցմամբ՝ ՄԱԿ ԱԽ-ը դատապարտել է Սիրիայում ռուսական դեսպանատան հրետակոծությունը: Այս մասին նշված է երեկ ՄԱԿ ԱԽ-ի տարածած հայտարարությունում: Դրանում ՄԱԿ ԱԽ-ը հայտնել է իր վրդովմունքը և կտրականապես դատապարտել է Դամասկոսում գտնվող Ռուսաստանի դեսպանատան ականանետային հրետակոծումը:
Նշվում է, որ Ռուսաստանի դեսպանատունը հրետակոծվել է երեկ, դրա հետևանքով զոհվել է մեկ և վիրավորվել է 9 մարդ, այդ թվում նաև դեսպանատան անվտանգության ծառայության աշխատակիցներ (սիրիացիներ): Ռուսաստանի քաղաքացիները չեն տուժել: Արկերից մեկը պայթել է դեսպանատան տարածքում, իսկ մյուսը՝ շենքին անմիջական մոտ:
Ռուսաստանի ԱԳՆ-ը նույնպես կտրականապես դատապարտել է Սիրիայում իր դեսպանատան հրետակոծումը:
