Իրաքում գրանցվել են մի շարք պայթյուններ. կան զոհեր
France-Presse լրատվական գործակալության փոխանցմամբ՝ Իրաքում այսօր գրանցվել են մի շարք պայթյուններ, որոնց հետևանքով զոհվել է 8 շիա ուխտագնաց: 25 մարդ վիրավորվել է:
Իրաքի անվտանգության ծառայության հաղորդմամբ՝ երկու պայթյուն գրանցվել է մայրաքաղաք Բաղդադից 160 կիլոմետր դեպի արևելք ընկած Էլ-Կուտ քաղաքից ոչ հեռու, ուր հավաքվել էին մեծ թվով ուխտագնացներ:
Երեկ Իրաքում տեղի ունեցած պայթյունների հետևանքով զոհվել է ավելի քան 20 մարդ: Ահաբեկչությունները հիմնականում ուղղված են եղել շիա ուխտագնացների դեմ, որոնք Աշուրայի (Մուհամմեդ մարգարեի թոռ, իմամ Հուսեին իբն Ալիի սպանության տարելից) կապակցությամբ ժամանել են Իրաք:
