Վրաստանին, Թուրքիային ու Ադրբեջանին միավորում են եռակողմ դաշնակցային կապեր. Բաղըշ
Ադրբեջանական Trend լրատվական գործակալության փոխանցմամբ՝ Թուրքիայի՝ Եվրամիության հարցերով պետնախարար Էգեմեն Բաղըշը, պատասխանելով «Ադրբեջան-Եվրոպա» ընկերակցության հարցերին, հայտարարել է, որ Ադրբեջանը Թուրքիայի էական ներդրողնրից է.
«Ինչպես ասել է Ադրբեջանի համազգային առաջնորդ Հեյդար Ալիևը, Թուրքիան ու Ադրբեջանն իսկապես մեկ ազգ են, երկու պետություն: Այսօր Ադրբեջանը Թուրքիայի կարևոր և էական ներդրողներից մեկն է: Էներգետիկ ոլորտում երկու երկրների սերտ համագործակցությունը մոտակա տասնամյակներում զգալի դեր է խաղալու Եվրոպայի էներգետիկ խնդիրների լուծման մեջ:
Վրաստանին, Թուրքիային ու Ադրբեջանին միավորում են եռակողմ դաշնակցային կապեր: Հայաստանը մեկուսացված է այդ հարաբերություններից: Անկասկած է, որ Լեռնային Ղարաբաղի խնդիրը բացասաբար է ազդում տարածաշրջանային համագործակցության վրա»:
