«Գազպրոմին» Ուկրաինայի պարտքը հասել է 890 միլիոն դոլարի
ZN.UA-ի փոխանցմամբ` օգոստոսյան մատակարարումների համար ռուսական «Գազպրոմին» Ուկրաինայի ունեցած պարտքը նոյեմբերի 1-ի դրությամբ աճել է 7.7 միլիոն դոլարով` հասնելով մինչև 890 միլիոն դոլարի: Ուկրաինական պարտքն ավելացել է տոկոսավճարների հաշվին: Հիմնական պարտքը կազմում է 882 միլիոն դոլար:
Հետագայում այդ ցուցանիշը նույնպես կաճի, եթե Ուկրաինան չմարի պարտքը: Ռուսաստանի վարչապետ Դմիտրի Մեդվեդևը հայտարարել է, որ Ուկրաինան ցայժմ չի վճարել գեթ մեկ կոպեկ` չնայած Ուկրաինայի էներգետիկայի ու բնական պաշարների նախարար Էդուարդ Ստավիցկու հավաստիացումներին:
Մեդվեդևը չի բացառել, որ իրենք կարող են Ուկրաինայի համար անցում կատարել կանխավճարային համակարգի:
