Իրանում վաղը կմեկնարկեն «Բասիջի» մասշտաբային զորավարժությունները
Իրանական IRNA լրատվական գործակալության փոխանցմամբ՝ վաղն Իրանում կմեկնարկեն իրանական «Բասիջ» կամավորական ջոկատների Beytul Mugaddas զանգվածային զորավարժությունները: Այս մասին հայտարարել է «Բասիջի» փոխհրամանատար, գնդապետ Նասրաթոլլահ Սաիֆը:
Վերջինիս խոսքերով՝ զորավարժություններն անցկացվելու են 10 փուլով Իրանի 5 նահանգներում: «Բասիջը» հանդիսանում է աշխարհազորային ռազմականացված ուժ, որը 1979 թվականին ստեղծվել է իսլամական հեղափոխության առաջնորդ, այաթոլլահ Խոմեյնիի հրամանով:
«Բասիջը» մասնակցել է Իրանա-իրաքյան պատերազմին (1980-1988 թվականներ): Ներկայումս «Բասիջը» հանդիսանում է օժանդակ կառույց՝ կապված երկրի ներքին անվտանգության հարցերի հետ: Այն բաղկացած է իրանցիներից, որոնք կամավոր մտել են նրա մեջ, ինչը հաճախ իրականացվում է սոցիալական արտոնություններ ստանալու համար:
