Սոնա Տռուզյանն աշխատանքից ազատվելու դիմում է գրել
Aravot.am-ի տեղեկություններով` ՀՀ գլխավոր դատախազի խորհրդական Սոնա Տռուզյանն աշխատանքից այսօր ազատվելու դիմում է ներկայացրել:
Սոնա Տռուզյանը 2006 թվականից գլխավոր դատախազի մամուլի քարտուղարն էր, իսկ 2012 թվականի դեկտեմբերից` խորհրդականը: Մեր այս տեղեկատվությունը հաստատեց նաեւ նա, ասելով, թե` «տեղափոխվում եմ այլ աշխատանքի»:
Ի դեպ, շրջանառվում են լուրեր, թե նա աշխատանքի է անցնելու Աղվան Հովսեփյանի գլխավորած նորաստեղծ քննչական կոմիտեում:
Սոնա Տռուզյանն իր աշխատանքային գործունեության ընթացքում կառույցի թափանցիկությունը, հրապարակայնությունն ապահովելու համար արժանացել է Ինֆորմացիայի ազատության կենտրոնի շնորհակալագրին, եւ «Ոսկե բանալի» ամենամյա մրցանակին:
