Մուրսին չի պատրաստվում ճանաչել իրեն դատել պատրաստվող դատարանի իրավասությունը
Ռուսական ИТАР-ТАСС լրատվական գործակալության փոխանցմամբ՝ Եգիպտոսի նախկին նախագահ Մոհամմեդ Մուրսին չի պատրաստվում ճանաչել իրեն դատել պատրաստվող դատարանի իրավասությունը: Այս մասին հայտարարել է «Օրինականության աջակցման դաշինքը», որը փորձում է հասնել նախկին նախագահի վերադարձին:
Վերջինիս հաղորդմամբ՝ Մուրսին չի խնդրելու իրեն տրամադրել որևէ փաստաբան, ընդ որում՝ թե՛ եգիպտացի, թե՛ օտարազգի փաստաբանի, քանի որ նա չի ճանաչում այդ դատարանը, ինչպես նաև խռովարարների իշխանոթյուններից բխող ցանկացած գործողություն և ընթացակարգ:
Մուրսին զինվորական իշխանության կողմից պաշտոնանկ է արվել այս տարվա հուլիսի 3-ին:
