Ադրբեջանն ունի Պաշտպանության նոր նախարար
Haqqin.az պորտալի փոխանցմամբ՝ Ադրբեջանի նախագահ Իլհամ Ալիևը երեկ հաստատել է Նախարարների կաբինետի նոր կազմը: Դրանում տեղ չի գտել արդեն իսկ Պաշտպանության նախկին նախարար Սաֆար Աբիևը: Այդ պաշտոնում նրան փոխարինել է Զաքիր Հասանովը, ով մինչ նոր պաշտոնի նշանակումը հանդիսացել է Ներքին զորքերի հրամանատար:
Նշվում է, որ Սաֆար Աբիևն Ադրբեջանի պաշտպանության նախարարի պաշտոնը զբաղեցրել է 18.5 տարի (1995 թվականի փետրվարից): Մեկնաբանելով զբաղեցրած պաշտոնի լքումը՝ Աբիևը հայտարարել է, որ որևէ խնդիր չկա, ամեն ինչ նորմալ է, որ դա եղել է նախագահի որոշումը և այն քննարկելու կարիք չկա:
