Մի շարք երկրներ կարող են համաձայնություն չտալ ԵՄ-ի հետ Ուկրաինայի ասոցացմանը
Լեհաստանի ԱԳ նախարար Ռադոսլավ Սիկորսկին Լյուքսեմբուրգում կայացած ԵՄ ԱԳ նախարարների նիստից հետո հայտարարել է, որ առնվազն երեք երկիր դրական որոշում չի կայացնի Ուկրաինայի հետ ասոցացման համաձայնագրի ստորագրման վերաբերյալ, հաղորդում է УНИАН գործակալությունը:
«Կցանկանայի Ուկրաինայի իշխանություններին զգուշացնել ԵՄ մի քանի կարեւոր անդամների դիրքորոշման մասին, որոնք նշում են, որ առանց «Տիմոշենկոյի գործի» հանգուցալուծման, իրենց երկրները, ըստ ամենայնի, դրական որոշում չեն ընդունի»,-հայտարարել է Լեհաստանի ԱԳ նախարարը:
Նա նշել է, որ այդ երկրներն են Նիդեռլանդները, Մեծ Բրիտանիան եւ Շվեդիան:
