Ռուբեն Հակոբյանը պատրաստվում է հրաժարվե՞լ «Ժառանգություն» խմբակցության ղեկավարի պաշտոնից
«Ժառանգության» մեր աղբյուրները հաստատում են մամուլում հրապարակված այն տեղեկությունները, որ ԱԺ պատգամավոր Ռուբեն Հակոբյանը պատրաստվում է հրաժարական տալ «Ժառանգություն» խմբակցության ղեկավարի պաշտոնից:
Նշենք, որ վերջին շրջանում Ռուբեն Հակոբյանը տարաձայնություններ ուներ կուսակիցների հետ` Մաքսային միությանը Հայաստանի անդամակցության, ինչպես նաեւ խմբակցության պատգամավոր Զարուհի Փոստանջյանի` քննարկման առարկա դարձած պահվածքի հետ կապված: Ըստ ամենայնի, այդ հակասություններն էլ եղել են նման որոշման պատճառը:
Ռ. Հակոբյանից պարզաբանում ստանալ չհաջողվեց, քանի որ նա չէր պատասխանում հեռախոսազանգերին:
