Ուկրաինան ավարտել է ԵՄ-ի հետ ազատ առևտրի գոտի ստեղծելու հնարավոր հետևանքների տնտեսական վերլուծությունը
Ռուսական РИА Новости լրատվական գործակալության փոխանցմամբ՝ Ուկրաինան ավարտել է Ասոցացման համաձայնագրի ստորագրումից հետո ԵՄ-ի հետ ազատ առևտրի գոտի ստեղծելու հնարավոր հետևանքների տնտեսական վերլուծությունը:
Այս մասին այսօր հայտարարել է Ուկրաինայի վարչապետ Նիկոլայ Ազարովը, ով հանդիպել է Եվրախորհրդարանի մոնիթորինգային առաքելության անդամներ Ալեքսանդր Կվասնևսկու ու Պէտ Կոքսի հետ: Ազարովը եվրապատգամավորներին հայտնել է, որ վիլնյուսյան գագաթաժողովին նախապատրաստվելն ընթանում է պլանի համաձայն:
Ուկրաինան պատրաստվում է նոյեմբերին Վիլնյուսում Ասոցացման համաձայնագիր ստորագրել ԵՄ-ի հետ, որի մասն է հանդիսանում Ազատ առևտրի գոտի ստեղծելու մասին դրույթը: Միևնույն ժամանակ Ուկրաինային հրավիրում են Մաքսային միություն, սակայն Կիևը հայտարարել է, որ պատրաստ չէ Մաքսային միությանը լիիրավ անդամակցելուն:
