Կառավարությունը դեռ որևէ ընտրություն չի կատարել հեռահար գործունեության հրթիռների հարցում. Դավութօղլու
Թուրքական Anadolu լրատվական գործակալության փոխանցմամբ՝ Թուրքիայի արտգործնախարար Ահմեթ Դավութօղլուն հայտարարել է, որ երկրի համար առաջնահերթ է հեռահար գործունեության հրթիռների ստեղծումը:
Դավութօղլուն հավելել է, որ ներկա դրությամբ երկրի կառավարությունը դեռ չի կողմնորոշվել այդ հարցում: Դավութօղլուն կարևորել է նման հարցերում մատակարարի կողմից տեխնոլոգիաներով կիսվելու պատրաստակամությունը:
Սրանից առաջ հաղորդվել էր, թե սեպտեմբերի վերջին Թուրքիայի պաշտպանական արդյունաբերության գործադիր կոմիտեի նիստում հայտարարվել է, որ հեռահար գործունեության հրթիռային համակարգերի ստեղծման մրցույթում հաղթել է չինական CPMIEC ընկերությունը, ինչը հարուցել էր Թուրքիայի արևմտյան դաշնակիցների խոր դժգոհությունը:
Թուրքիայի պաշտպանության նախարար Իսմեթ Յըլմազը երեկ պարզաբանել է, թե իրենք ինչու են կատարել նման ընտրություն:
